Лоа дашшашехь, аракъадаш долча цу зизо хьахойт вайна, дӀайха денош гаьна доацилга. Ӏалама гӀулакхах йолча Министерствон болхлоша яхачох, вай мехка из зиза хьахул хьунагӀа, Ӏарамхе 1200 м фордал лакхе.

«20 тайпара да лайкӀалъухарг яха зиза. Цхьаццадараш дӀадоалаш латтачарех да, аьнна, ЦӀеча книжканна юкъедихьад. Уж хьадаха бокъо луц, хӀана аьлча царна доккха зе хул, уж хьадоахаш хилча, вӀалла хьа ца хулаш дӀадала тарлу уж. Духхьал из цхьа зиза мара дац, шийлача хана хьахулаш. Лакхе ша тӀабижача а, талха ца талхаш, Ӏуйран хьалкхетача малхаца юха дийнлу из. Цхьаккха кхыйолча баьца бац из низ», - дийцар «Сердалога» Ӏалама гӀулакхех йолча Министерствон болхлоша.