Укх бетта 20-ча дийнахьа, лоаман юрташкара нах тӀаийбеш хургва республикера сага бокъонаш лораер
19.12.2024 09:22
ЖӀайрахьа кхален юрташкара бахархой тӀаийбеш хургва цигарча администраце цӀагӀа сага бокъонех болча оагӀон болхло вола ЦӀечой ИбрахӀим. Из хоам «Сердалога» бир УПЧ.
ХьатӀавоагӀача сагага ший паспорт хила деза, цул совгӀа, ше тӀадена гӀулакх ма дарра дӀаяздаь каьхат хила деза. «Ӏаьдала бокъонга хьежжа, тохкаргда хӀара сага тӀадена хаттар», - белгалдир республикерча УПЧ.
