Курская оалача станице дӏайихьача яхьашкара, 2ӏ майдилг яхьаш цӏакхаьчар вай спортсменаш
Ставрополерча Курская оалача станице дӏайихьача йийллача мехкашта юкъерча яхье 21 майдилг йоаккхаш белгалбаьлар вай спортсменаш. Из хоам «Сердалога» бера боксах йолча мехкарча Федерацера.
Даьхен Лорабой Денна хетаяьча яхьашка 15 дошо, 6 дото майдилг яьккхар вай кагирхоша. 2016-2017-ча шерашка баьрашта юкъе котало яьккхар Балхайнаькъан ӏаддала (22 кг), Жандаранаькъан Билала (28 кг), Досхой Мухьаммада (32 кг), Цхьорой ӏаддал-Малика (34 кг). Шоллагӏча моттиге эттар Пхьарчанаькъан ӏимран (24 кг), Марзенаькъан Мухьмад-ӏаьла (26 кг), Досхой Ахьмад (28 кг).
11- 12 шерашка кхаьчарашта юкъе лакхерча лагӏа тӏа ваьлар Янданькъан Сайфула (32 кг), Жандаранаькъан ӏумар (34 кг), Шовланаькъан Абу-Бакр (38 кг), Келой Мухьаммад ( 42 кг). Дото майдилг яьккхар Мисловранаькъан Амира (32 кг).
2012-2013 шерашкарчарна юкъе белгалбаьлар Оздой Зураб (32 кг), Мутаӏаланаькъан Мухьмад-Басир (34 кг), Цӏечой ӏадрахьман (36 кг), Котаганаькъан Мухьмад-Амин (40 кг). Шоллагӏча моттиге хилар Тоачанаькъан Мухьаммад (42 кг).
Толашагӏабарех ба аьнна лакхерча лагӏа тӏа баьхар 15-16 шераш даьннарашта юкъера Муцолганаькъан ӏаддал-Малик (46 кг), Тиймарзанаькъан Ислам (63 кг), Кхоартой Мухьмад (80 кг), Бераханаькъан Исмаӏал (54 кг).
