Вай мехкара 220 зӀамига саг, эскаре амал де гӀоргва
02.10.2024 11:43
Республикерча тӀема комиссариата белгалдечох, гуйранара болх дӀахьош, 220 зӀамига саг ва вай мехкара тӀема-космически, лаьтта лелача тӀема доакъошка, форда тӀарча флоте, Росгварде амал де тӀавехаргвар.
«Амал де вахар - Даьхен гӀулакха латтарца дувзаденна хӀара къонахчун декхар да. Со-се из никъ чакхбаьккха ва, цудухьа майрра оал аз, хӀара маӀача сага низах чӀоагӀвала, дог ураоттаде эшаш гӀулакх из долга. Къонахчун оамалаш, низ, кхыдараш гучадоала, Даьхенцара безам чӀоагӀлу моттиг я из, хӀаьта из хӀара маӀача сага лоархӀаме да», - белгалдир вай Мехкадас Келаматанаькъан Махьмуд-Ӏаьлас, амал де бахарах дувцаш.
Гуйран шоллагӀча бетта 1-ча дийнахьа дӀаболабир из болх. 133 зӀамига саг ва эскаре амал де ваха кийчлуш.
