1991-ча шера бIаьстан шоллагIча бетта 26-ча дийнахьа, РСФСР Лакхехьарча Совето хьакхеллар, мехках баьха хиннача наьха бокъонаш меттаоттаеш дола закон. Вай къаман сийдолча къонгаша дукха къахьийгар цу наькъ тIа. Из хоам «Сердалога» бир къаман политикахи, бувзамехи, хоамехи йолча Министерствос.

Боккхача мехка къамаш, фашист вохавеш, цунна духьала лира тIом беш, лаьтта шераш дар уж. Итт къаман нах - гIалгIай, нохчий, балкхарой, черсий, туркий - месхетинцаш, ГIирмера татараш, корейцаш, немций, финнаш-ингерманландцаш, гIалмакхаш шоаш бахача мехкара арабаьха, хийрача мехка баха бигар. Цхьаккха бехк боацаш, бокъо йоацаш, шоай моттигашкара бохабаьча наха сатийсар, бокъонаш меттаоттаярах дола закон арадаларо, лаьтташца дувзаденнар долаш, деррига дIанийсдергда, бакъда из иштта хиланзар.

«Исторе геттара лоархIаме дола закон арадаккхара тIехьа дукха къахьийгарех бар вай къаман эздий къонгаш: Бохтаранаькъан Бембулат, Къоастой Беслан, Дарсиганаькъан Муса, Къоастой ИбрахIим, Сейнарой Бексолта, Фаьрганаькъан Хьамзат, иштта кхыбараш а», - белгалду миннаца беча хоамо. Вай цIаккха а йицъе йиш яц, цу сийдолча къонгий цIераш!