«Чиполлино» яха спектакль гойтаргья ТЮЗе, хьатӀабоагӀача бетта 4-ча дийнахьа
26.05.2025 19:45
ХьатӀабоагӀача бетта 4-ча дийнахьа «Чиполлино» яха спектакль гойтаргья мехкарча берий театро, нийса 11 сахьат даьлча. Из хоам «Сердалога» бир театра зарбан болх лелабераша.
Керда спектакль Родари Дж. йоазонах оттаеш я Мордоверча режиссёра Шахова Лилияс. Белгалде деза, гӀалгӀай хьажархошта из «Къамаьл деш йола кӀудал» яхача спектаклага гӀолла йовзаш йолга. ТЮЗа 12 актер ва спектакла юкъе. Исбахьален оагӀонцара болх - Шохновски С., мукъам - Чередниченко А.
«Пушкина картага» гӀолла цига баха йиш йолаш ба мехкахой.
