«Вай унахцӀенон хьал тоадеча хьинаре, бехктокхаме къахьегарах деш новкъостал да из», - аьлар СФР оагӀонна кулгал деча Йовлой Зубейрас.

Ахча хьожадаьд кхален дарбанчешка къахьегача лорашта, сиха оарцагӀа ухача лорий станце болхлошта. Болхлошкара цхьаккха каьхат ца эшаш, дӀахьош да из гӀулакх. Дарбанчешкара электронни йоазош хьакхаьчачул тӀехьагӀа, 7 ди далалехь, дарбанчешкарча болхлой счеташ тӀа дӀатӀадохьийт ахча.

ДӀахьоча балхага, моттигага хьежжа; 4,5 эзар сомагара 50 эзар сомага кхоачаш, ахча да телар. 2024-ча шерарча бӀаьстан хьалхарча бетта денз; юрташка, зӀамигача шахьарашка, болх берашта луш дола ахча да: лорашта - 50 эзар сом, лорий йижарашта - 30 эзар сом.

«Белгалде деза, из ахча духхьал новкъостал дара тӀехьа теларал совгӀа, лакха говзал йолча лорий шоаш болча моттиге болх бе чам хургболаш луш долга», - аьлар Йовлой Зубейрас.