Гӏалгӏайчен 56 вахархочо хержар «Росси - тароний мохк» яха майда
Тахан, «Росси - тароний мохк» яха президентски майда ше хьакхелла 8 шу далара ха езъеш я. Россе Президента могаяь хьакхеллача цо болх беча юкъа, начӏал дола вай мехка бахархой хьаллацара эггара йоккхагӏа йола проект хилар цох. Дика дакъа лоац цу майдан яхьашка, олимпиадашка Гӏалгӏайчен бахархоша. Эзараш бола нах; цу юкъе студенташ, говзанчаш, кулгалхой а болаш; хьажар цун экосистема даькъ тӏа шоай низага. Царех дуккхабараш финалисташ, котбаьннараш хилар, цар гойтар лакха таронаш, кулгал дара дикал, иштта республикан викалий профессионализм.
Цу майдан керттера мах бар - из массанега хьакхоачаш хилар дар. Гӏалгӏайченна майдан даькъ тӏа дакъа лоацаш хилар лоархӏаме да. Вай кагирхой начӏал долаш ба, уж кийча ба толамаш даха. Лоархӏаме да, тахан цу кагирхой, профессиональни дегӏаахара таронаш хилар.
Укх шерашка 56 эзар совгӏа республикан бахархой дакъа лоацаш хилар майдан яхьашка, проекташка, хӏаьта 320 совгӏа саг котваьлар. Из, вай кагирхой шоай мехка эшаш хилар гойташ, дика таронаш хилара хьокхам ба. Дӏадахача шера Гӏалгӏайчени «Росси - тароний мохк» яхача майдани юкъе баьча барто цу тайпара бувзам лелабеш хилар дика лар юташ хилар. Со тешаш ва вайна хьалха кхы а цхьана дӏахьоргдола дешар, кагирхой вахара проекташ я, цар хьаелларгья вай кагирхой кхоане хьакхоллара йола таронаш»,- аьлар Гӏалгӏайчен Кулгалхочо Келаматанаькъан Махьмуд-Ӏаьлас.
«Росси - тароний мохк» яхача платформа хьагойт вай мехка лерттӏа дегӏавара таронаш хилар. Керттердар - из дегӏавара сага безам хилар да. Дукха проекташ хиларо таро лу ший дегӏавара никъ лаха, ший хӏама дӏадоладе, грант яккха, вахара проект хьаелла, хьалхале лелаеча компанешкара балха говзал эца, бизнес лелаеча кулгалхошта юкъера чӏоагӏа хьехамча харжа, пайда луш долча лагӏа тӏагӏолла урагӏваха.
