ИнгГУ 60 студента Даьхен мутӏахьа хила дув биар, Тӏема дешара центре
Гӏалгӏай паччахьалкхен Тӏема дешара центра 60 курсанта тӏема дув биар. Цар хургйолча эскарерча балха говзалга керттера гӏа баьккхар, шоай никъ кӏоаргача дешарца, тӏема говзалца дӏаболабеш.
Тӏехьа хьинаре дӏадихьа дешар да, хьалха - Даьхен хетадаь доккха вахар. Царех хӏаранена из хилар бехктокхаме гӏулакх дара, шоаш Даьхенна хетабара биа дув.
«Доккхал ду вай студентех, уж ба ИнгГУ Тӏема дешара центра хьалхара дийша баьннараш. Из центр 2024 шера хьаеллар лоархӏаме хилар вай республиканна. Студентий таро хилар цхьатарра граждански дешар деша, тӏема кийчо е.
Къаьстта баркал ала лов Гӏалгӏай паччахьалкхен университета ректора ӏалбаканаькъан Фатимайна, из центр хьаелларах, Тӏема гӏулакх дегӏадоаладара терко лоаттаярах; студенташ, кагирхой хаттараш даим ший тӏахьожам болаш цо леладарах. Тахан центре дешаш ва 100 совгӏа студент.
Уж ба эпсараш, сержанташ, старшинаш, мугӏарера салтий; амал даь баьнна матросаш ӏомабара йолча программах дешаш. Цу тайпарча центра лоархӏаме дакъа дӏалоац Россе Герзашцарча низий таронаш хьакхоллача, кагирхой кхебеча», - аьлар ший телеграм-оагӏон тӏа Келаматанаькъан Махьмуд-ӏаьлас.
Тӏема центр хьаеллар тӏадиллад РФ Президента Путин Владимира. Из иштта хилар бахьан долаш, тӏехьара тӏа студентий тӏема гӏулакх ӏомаде таро хилар.
