ГӀалгӀайчен 8 колледжагара лицензеш дӀаяха тарлу, цар бокъонаш телхаярах
Наьсарен-Шахьара прокуратуро суде лоткъам дӀабахьийтар доалахьарча профессиональни дешара бархӀ моттига болх юхасоцабара хьакъехьа. Цох хоам бир прокуратуран зарбан болх лелабераша, дешара моттигашка законаш лорадой хьожаш болх дӀабихьачул тӀехьагӀа баь соцам бар из .
ТӀахьожама болх дӀабихьачул тӀехьагӀа белгалдир, лицензеш яле а, юкъерча профессиональни дешара программаш кхоачашъеча лоархӀаме кхоачамбоацараш хилар. Уж нийсдалийтараш я: «Наьсарен электроника, социалоге колледж» ЧПОУ, «Дукха хьалаш чудоагӀа профессиональни колледж» ЧПОУ, «Къилбаседа Кавказа полице колледж» ЧОУ СПО, «Социально-хьехархой колледж» ЧПОУ, «Килбаседа Кавказа балха доакъошта юкъера колледж» ПОУ, «ГӀалгӀай профессиональни колледж» ЧПОУ, «Регионашта юкъера йийлла колледж «Таханарча ханара урхаллен» ЧПОУ, Къаьсттача коммерчески доацача профессиональни дешара моттиг «Халкъашта юкъера хоамий технологей академи» «ИТ ХАБ МАГАС».
ДукхагӀча даькъе законаш телхадеш хилар гучадаьккхар, дешара болх лицензи яь цахиларца, санитарно-эпидемиологически наьха хьалага хьажарца, цӀи ялара кхерамзленца, къахьегама бокъонаш лораяра даькъаца.
Уж гучадаьха кхоачамбоацараш бахьан долаш, прокуратуро дӀадахьийтар ГӀалгӀай Республикан Магаса кхален суде цу дешара моттигашкара болх соцабарах дола лоткъамаш.
