Мехкара ахархой дӏадувча ялатага хьожаш ба
20.04.2026 09:48
Юртбоахама гӏулакхех йолча министерстве, дӏадувча ялата терко лоаттаярах дувцаш, кхетаче дӏайихьар.
«Кхетаче дийцар оахамашка эшаш болча кхоачамах, ялата езача молхаех, машинаш кийча хиларах, иштта кхыдарех а. Къаьстта терко йир хӏанзчул тӏехьагӏа дӏаде дезача ялата. Таханарча дийнахьа ялат дӏадийнар 4,27 эзар гектар лаьтта да», - дийцар тха газетага цу оагӏонцарча министерстве.
Иштта цига дийцар тӏалаттача йоалацарча декхарах, лизингах, арендах.
