ГӀалгӀай къаман
юкъара газет

Новости


Гӏалгӏайчен ахархошта ахча далара болх аьттув болашагӏа хилийта лаьрхӏаш ба вайцига

Гӏалгӏайчен ахархошта  ахча далара болх аьттув болашагӏа хилийта лаьрхӏаш ба вайцига

Гӏалгӏайчен премьер-министра Сластенин Владимира, «Россельхозбанка» моттигерча филиала кулгалхочо Курскенаькъан Рустама дийцар республикан ахархойпромышленни юкъамоттиг дегӏайоалаярах. Цига дийца керттера дош дар, боахамаш дегӏадоаладара кредиташ далар.

«Аьттув болаш дола кредиташ далар, лоархӏаме да вай ахархошта. Со тешаш ва, цу даькъ тӏа оаха «Россельхозбанкаца» бувзам лелабеш хилар накъадаргда, аьнна», - аьлар Гӏалгӏайчен Паччахьалкхен Председатела.

Банка викалаша шоай аргӏагӏа дийцар тахан юртбоахам лелаберашта лаьрхӏа йолча ахчан таронех. Кхетачен доакъашхоша иштта белгалдир «Фермерий ишкол» яха проект дӏахьош хилар, из кхоачашъеш я Гӏалгӏай паччахьалкхен университете, республикан юртбоахама Министерствос хьаллоацаш.

Курскенаькъан Рустама белгалдир, банк къаьстта йола терко лоаттаеш хилар зӏамига, юкъера бизнес дегӏайоалаяра. Цо яхачох, Гӏалгӏайчен бахархошта юкъе из программа лелаераш дукхагӏа ба, цудухьа ахчан моттигаш дӏахо республике царна новкъостал де кийча я.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде
Вверх