ГӀалгӀай къаман
юкъара газет

Новости


Боккхача боараме метадон йохка гӏийртараш, гучабаьхар полице болхлоша

Боккхача боараме метадон йохка гӏийртараш, гучабаьхар полице болхлоша

Вай мехкарча Россе МВД наркотикашта духьала къовсам лоаттабеча оагӏон болхлой аьттув баьлар, боккхача боарамах из «дохьаж» доаржаде беннарашта духьале е. 1993-ча шерара Наьсарера вахархо дӏалаьцар цар. Цун цӏагӏа чухьежача, полице болхлошта корайир тохкама оагӏонца лоархӏаме хургйола ши телефон. «Сердалога» из хоам бера цу моттигера.

Интернета оагӏонга гӏолла кхыча мехкарча сагаца бувзаме хиннав из. Кураторо аьннар кхоачашдеш, Наьсарен кхалерча цхьан къайлен чура хьаийца, кхыча моттиге дӏаяьхкай цо наркотикаш. Хӏаьта МВД болхлошта из «дохьаж» дӏадилла моттиг хьакорайир Гӏайрбик-Хьажий цӏерах бола урам, Московски оала урам вӏашкаоттача доазон тӏара, Гӏалгӏай республикански клинически дарбанчен гаьна доацаш.

Кирпишкий карта юхе, кхеран кӏалхарча моттиге дӏабила уллар пакет. 48, 44 граммага кхоачаш метадон яха «дохьаж» да, аьнна, соцам бир МВД экспертиза яьккхараша.

2026-ча шерарча ардара бетта 27-ча дийнахьа РФ УК 3-ча даькъа 30-ча ст., «г» оагӏон 4-ча даькъа 228.1 ст. гӏулакх хьадийллар цу зуламхочунна духьала (боккхача боарамах наркотикаш йохка гӏортар).РФ УПК 91 ст. хьежжа дӏалаьца ӏаьдала кара ва из саг. Цу бӏехача гӏулакха юкъе хинна кхыбараш гучабоахаш болх дӏахьош ба МВД.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде
Вверх