ГӀалгӀай къаман
юкъара газет

Новости


Гӏалгӏайчен культуран министр яхар, Магӏалбике искусствай ишкол хьалъярга хьажа

Гӏалгӏайчен культуран министр яхар, Магӏалбике искусствай ишкол хьалъярга хьажа

«Дезал» яхача къаман проекта чуйоагӏаш, Магӏалбике хьалъеш я берий искусствай ишкол. Цига болх мишта дӏахьош ба хьажа яхар Гӏалгӏайчен культуран, туризма министр Лаьнанаькъан Залина. Цо мах оттабир гӏишлон балха, иштта цун къамаьл хилар цу балхашта керте латтачунца, дӏахо де дезар дувцаш. Гӏишлонхой викалаша чӏоагӏдир, из ишкол хьалъяра беррига кхоачам болаш хилар, йиллача ханага хьежжа болх дӏахьош хилар.

«Из гӏишло хьалъеш я 3 019 квадратни метр лаьттан тӏа. Таханарча денга кхоачаш, кийча я 25%, хӏаьта цо ший наӏараш хьаелларгья дешархошта 2027 шера. Цар таро хургья хозача, сийрдача классашка, исбахьален искусстваш ӏомаеш болх дӏабахьа, кхоллама начӏал дегӏадоаладе», - аьлар «Сердало» газетага республикан культуран, туризма Министерствон зарбан болх лелабераша.

Лаьнанаькъан Залинас ма аллара, «Дезал» яха къаман проект кхоачашъяро новкъостал ду начӏал долча берашта карагӏдоалар дикагӏа довза. Министра яхачох, лоархӏаме да тӏахьожам болаш из гӏишло дика хьалъяь яккхар, йиллача хана из моттиг хьаеллар.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде
Вверх