ГӀалгӀай къаман
юкъара газет

Новости


«Цӏена ноахал – 2026» яха болам ба вай мехка дӏахьош

«Цӏена ноахал – 2026» яха болам ба вай мехка дӏахьош

2026-ча шера лайчилла бетта 16 - ча денгара 25-ча денга кхаччалца йолча хана, «Цӏена ноахал - 2026» яха болам ба вай мехка дӏахьош. МВД наркотикашта духьала къовсам лоаттабеча оагӏон болхлой ба цу гӏулакха хьалхаэттараш.

«Сердалога» бенача хоамах, хӏетта кхийнарашта, къонабарашта юкъе наркотикаш яха «дохьаж» ца даржийтара тӏехьа дӏадоладаь гӏулакх да из. Наркомани яхар мел доккха во да, цу бӏехача хӏамах хьокхавеннар ший ираз доадаь саг волга хьалхадоаккхаш, бахархошца болх лоаттабеш ба тахан МВД къахьегамхой.

Дешара моттигашка, иштта кагирхоша ха дӏакхухьача лекцеш ешаш, къахьег цар, из бӏеха хӏама вайна юкъера дохадаь дӏадаккха гӏерташ.

МВД болхлоша бахархошка кхайкарал ду; юстара ца ӏеш, наркомани яха зулам вай къонабарашта юкъе цадаржийтара тӏехьа гӏо де, яхаш.

Наркотик йохкаш саг хоавеннавале, е уж дӏаяьхка моттиг шоашта хойя, ӏалаьмате сиха хоам бар дех укх номерех- 8 (8734) 55-04-99, 8 (8734) 55-20-06, 55-01-54, иштта цаӏ йолча гӏо деча моттиге – 102, 112.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде
Вверх