ГӀалгӀай къаман
юкъара газет

Новости


Гӏалгӏайче духхьашха буллаш ба, хьалхара дикал йола никъ

Гӏалгӏайче духхьашха буллаш ба, хьалхара дикал йола никъ

Гӏалгӏайчен кулгалхочо Келаматанаькъан Махьмуд-ӏаьлас ма аллара, республике хьалхара хьабеш ба лакхача технологех 1-Б категоре никъ, карарча шера говзанчаш дӏаболабелар Осканаькъан Суламбика цӏерагӏча халкъашта юкъерча аэропортага бода 3,5 километр йола никъ ӏобилла. Из проект дӏадахача шера хьакхайкаяьяр, хӏанз из дӏайолаяьй. Республикан транспорта из лоархӏаме ба, хӏана аьлча хӏара дийнахьа цу наькъ тӏа гӏолла 2 эзар совгӏа машин чакхйоал.

Келаматанаькъан Махьмуд-ӏаьлас белгалдир, гӏишлонхой тӏий кердадоаккхаш хилар, цул тӏехьагӏа дӏаболабергба керттера болх, из йистебаргба 2028 шера. Балхаш чакхдаьнначул тӏехьагӏа, из никъ шерлургба биъ оаса, цу наькъ тӏа 100 км/сахьата сиха машинаш лела йиш хургья. Наькъа бӏоахал сердал хургья, наькъа такилгаш хургда, карт а хьалъергья, наха лаьттан кӏалха гӏолла дехьабала моттиг а ергья.

Гӏалгӏайчен Кулгалхочо яхачох, никъ шерагӏа хилар чӏоагӏа эшаш да. Из никъ лоархӏамеча гӏишлошта, фецарча кемашта тӏабодаш ба. Цо белгалдир, республика укх массехк шера наькъаш ӏодехкара даькъ тӏа хьалхара моттиг дӏалоацаш хьайоагӏаш хилар, из таро вай хилар лакха говзал йола болхлой боландаь, моттигерча говзанчий бехктокхам лакха боландаь.

Республикан Кулгалхочо ше тешаш ва аьлар, из хьалхара никъ ӏобилларо Гӏалгӏайчен наькъа кхерамзле хьакхолларгхиларах, еррига республика дегӏайоалае таро лургхиларах.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде
Вверх