Гӏалгӏайчен тоаба яхар Москве, «Хургдолчун пилоташ» яхача проекта чаккхен юкъе дакъа лаца
«Хьалхарчар болам» яхача моттигерча оагӏон хьинар дараш бахар Москве, цига цар «Хургдолчун пилоташ» яха Ерригроссийски дронаш лелаю чемпионат чакхйоалача яхьашка гойтаргья Гӏалгӏайче, шоай говзал, яхаш, дийцар «Сердало» газетага мехка дронаш лелаярах йолча Федераце.
Чаккхенга бода никъ аттачарех бацар - доакъашхоша дика къахьийгар тӏеххьара болх чакхбоалаш, цар гойтар, ерригача Россера, чу саг воацаш леладеш долча гӏирсий чӏоагӏагӏа болча къонача операторашца шоаш яхьебала йиш йолаш хилар. Хӏанз Гӏалгӏайчен викалаш федеральни боараме республикан сий даккха дезаш ба.
Из программа дика дӏаяхьа лерхӏ. Доакъашхошта хьалхашка чоалхане декхараш латт: сиха хилар, технически оагӏонаш дика лораеш хилар.
Кхелахоша мах оттабергба цар беча балха, хӏара спортсмена карагӏдоалачун толамашта, иштта царна тоабашца цхьана болх бе хара, цох тийша ба тӏеххьара толам.
Цу тайпара проекташ дӏахьош хиларо таро лу вай заман технологеш дикагӏа йовза, инженерий уйлаш дегӏайоалае.