ХьалтӀайоалаш латтача даьттакхей хьокхама даькъага хьажа арабаьлар агрономаш
30.05.2024 10:05
![](http://serdalo.ru/storage/xKupKUAjwcLYg0CsrDdDiMDE74Y30FQ9WrmBvxhI.jpg)
Россельхоз яхача моттига филиала керттера агроном вола Сампенаькъан Ӏусман СПК «Даби-Юрт» кулгалхочунца Ваделанаькъан Даудаца хьалтӀайоалаш латтача даьттакхешка хьажа, цар хьал тахка арабаьлар оахамаш тӀа. Из хоам «Сердалога» бир цу моттигерча къахьегамхоша.
«Зара», «Ирбис», «Барс», «Вилана Бета» яха Россе Ӏилма-тохкама институте кхедаь диъ тайпара ялаташ да дӀадийнараш.
«Цхьатарра хоза урагӀадоагӀаш латт уж. Юкъера йоархӀаш дӀайоахаш, иштта кхыдола балхаш дӀадахьа дезаш ба къахьегамхой дӀахо», - белгалдир Россельхоз оалача моттигерча къахьегамхоша.