«Дезалца цхьана музее вахар» яха болам дӀахьу МКЖР
ГӏалгӀайчен къам мехкахдаккхара дагалоаттама Мемориальни комплексе «Дезалца цхьана музее вахар» яха болам ба дӀахьош. Из да исторена гаргагӀа, ноахалцара бувзам чӀоагӀагӀа хулаш дола ди. Тахан цига ваха безам болаш вар мах боацаш ший гаргарча нахаца экскурси е таро йолаш ва. Из дика аьттув болаш да, паргӀатта экспозици Ӏомаяра, цхьана архивни каьхаташ, истори довзара.
«Цу тайпарча кхетаченаша нах шоайла дукхагӀа бовзийт, шийна хетар нахаца декъа таро лу. Къаьстта дезалца цхьана аттагӀа да исторически хьал довза, ший къаманца, мехкаца цхьана хила», - аьлар «Сердало» газетага ГӏалгӀайчен МКЖР.
«Дезалца цхьана музее вахар» яхача боламо хьалхадоаккх вай юкъара бехктокхам малагӀа ба исторически тӀехьален хьалхашка. Ший мехка истори дагадоагӀаш хилар, из берашта дӀадалар - из да дӀаяхача ханашцара бувзам лорабар, вай тӀехьен хургдар чӀоагӀдар.
