Майске кхоллама оагӏонцара кхетаче дӏахьош хилар вай мехкара берий театр
Майскерча салоӏача лагере кхетаче дӏахьош хилар вай мехкарча берий театра актёраш. Гӏоандалой Зарета, Хазанаькъан Ваха, Курскенаькъан Римма, Кокурхой Зульфия, Ганенаькъан Хьава, Бузуртанаькъан Адам бар ахканарча лагере бераш долча баха хиннараш.
«Чӏоагӏа гӏаддахадар бераш, мехка цӏихеза бола актёраш шоаш долча баьхка. Хьаьшаша царна дийцар театра чухьарча вахарах, спектаклаш оттаеш эггара лоархӏаме дарех, шоай балхаца нийслуча хӏамаех. Крылов Ивана язъяьча «Борзи ӏаьхарги» яхача кӏоанолгах дийцар цар берашта, хӏара моттиг дикка йоашхаш. Иштта хӏанз кастлуш шоаш гойта лерхӏа спектаклаш а йовзийтар актёраша берашта.
Берий дукха хаттараш хилар артисташка, хӏаьта вокхар дега тоам хулаш доашхар хӏарадар. Белгалде деза, иштта йолча кхетаченаша берий дог ураоттаделга, мехка цӏихеза болча, телевизор чугӏолла мара шоашта ца байнача актёрашка моллагӏа хӏама хатта, дукха къамаьл деш дагӏа аьттув хиларо гӏаддига кхестар бераш, ше-ше хьалхагӏа йистхила гӏерташ.
