Пятигорске дӏайихьача дешара кхетаче дакъа лоацаш хилар хьинар дола вай мехкахо
22.05.2026 13:04
Кагирхой цхьанкхетарий Цӏен кулгалхочун гӏонч вола Гоамакортанаькъан Мустафа Пятигорске дӏайихьача «Хоржамаш кагирхой хьинаре юкъеозара гӏирс хиларах лаьца. Бувзамаши хьехамаш дари хоржамаш долча юкъа» яхача дешара кхетаче дакъа лоацаш хилар.
«Тайп-тайпарча моттигашкара нах бар цига гулбеннараш. Укх бетта 19-ча денгара 22-ча денга кхаччалца дийцар цига кагирхоша хоржамий балха юкъе дакъа лацарах, таханарча цу оагӏонца дувзаденнача кердадарех, хьехамчий болх дикка боаржабарах, мехка юкъара-политически вахаре ма хулла дукхагӏа къонабараш чуозарах», - дийцар тхога кагирхой гӏулакхех йолча мехкарча Комитето.
