Из хоам «Сердало» газетага бу «ЦаӀ йола Росси» яхача парте болхлоша. «Парте десанта» техкар, болх малагӀча боараме дӀахьош ба. Цар белгалдаьчох, 70 % болх йистебаьннаб. Цхьаккха гӀалат, кхоачамбоацар юкъе доацаш, дика дӀахьош латт болх цигарча къахьегамхоша. «Иштта йола моттигаш вай мехка эшаш я кагирхой спортанна, туризма тӀахьеха. Цига дӀакхахьа йиш я тайп-тайпара кхетачеш, яхьаш. Вай мехкарча кагирхой унахцӀено лораяра тӀехьа баьккха боккха, лоархӀаме гӀа ба из ФОК хьаеллар», - белгалдир единороссаша. Ер шу йистедалалехь, кийча хила езаш я из моттиг.