Шахьара лоархӀаме дешаш дийцар МагӀалбика мэре
Таханарча ден лоархӀамегӀа дола дешаш дийцар шахьара администраце болхлоша, цунна чудоагӀача боахамий кулгалхоша, шахьара кулгалхочо Галай Мусас кулгал а деш, хӀара кӀира цкъа дӀахьош йолча кхетаче. Из хоам газетага бир МагӀалбика мэре зарбан болх лелабераша.
Эггара чоалхане латтача дешаех да, бахархоша шоай лаьтташ дӀатӀаяздара болх лерттӀа цалелабар.
«Массане а кхетадац из лоархӀаме хилар. Цо энергетикан таронаш лелаеш хиларах боагӀаш бола Ӏаьдала мах дӀабалара а новкъарло ю, йоалах доагӀаш дола ахча а бокъонах доагӀача тайпара дӀалуш хилац Ӏаьдала, иштта кхыдола дешаш а да цу юкъе», - аьлар Галай Мусас.
«Цул совгӀа, кхетачен доакъашхоша дийцар, салоӀача деношка ден-бус ха дарах, шахьара санитарни хьал тоадарах, нувхаш чукхувсаш йола яьшкаш лелаярах лаьца. Производственни отдела тӀадиллар, из дош даим теркама юкъе хилийтар, цох бола хоам шийна лоаттабар», - йоах хоамо.
