Терроризмах нах лорабарах дийцар Магӏалбика кхале
Магӏалбика кхален администраце дӏайихьар терроризм яхача зулама духьала къовсам лоаттабарах йола кхетаче. Цига дакъа лоацаш бар цу оагӏонцарча кхела хьалха латта Джамболатанаькъан Мухьмад, бахархой къахьегама гӏулакхех йолча кхален моттига кулгалхочун гӏонч Боканаькъан Батыр. Гулбеннараша дийцар цу бӏехача зулама духьала къовсам лоаттабеш кхоачашде дезарех.
«Джамболатанаькъан Мухьмада белгалдечох, таханарча заманга хьежжа болх ба терроризма духьала лоаттабе безар. Кхален моттигашка кхетачеш дӏакхухьаш, кагирхой, кхувш латтараш цу доккхача вонах лорабеш, малагӏча хӏамашта юстара хила беза царна хьалхадоаккхаш, кегалургболча наькъех юхатохаш къахьега деза вай массане тӏатеӏӏа», - дийцар «Сердалога» кхален администраце зарбан болх лелабераша.
Дӏахойодача хана кхоачашде дезараш белгалдир кхетаче.
