Галашкарча культуран Цӏагӏа хоржамхошта лаьрхӏа цӏай дир
Республикан бахархой шоай кхоане хоржаш, лаьрххӏа бола политически гӏа боаккхаш болча хоржамий деношка, культуран центраш бокъонца дола цӏай дӏахьош яр. Галашкарча культуран Цӏен кхоллама тоаба яхар №808 йолча хоржамий даькъ тӏа «Дег тӏара!» яхача концерта программа ийца.
«Хоржамаш - из бахархой декхар кхоачашдар хинна ӏац, из ноахал вӏашагӏтохаш дола доккха цӏай да. Из дика ӏадат хьаллацара, исбахьален самодеятельноста къонача артисташа дег тӏара доагӏа зӏамига концерт делар хоржамаш дӏахьоча даькъ тӏа. Къонача начӏалаша, боккхийча артисташа хоза кийчо яьяр. Цар гойтар халхзарий композици, Даьхе хестаеш дола иллеш даьхар»,- аьлар «Сердало» газетага культуран-салаӏара моттиге.
Бахархоша хоза хеташ тӏаийцар къона артисташ. Кхадж тасса баьхкараш самукъадоалаш бар.
«Дег тӏара!» яхача концерта программах доккха совгӏат хилар кхадж тоссарашта. Хоржамий комиссе доакъашхоша къонача артисташта, культуран Цӏен тоабанна баркал аьлар, шоай самукъадаккхарах.
