Россе ӏаддалхой чемпионат дӏакъовлача, дакъа лоацаш бар мехкарча филармонера артисташ

«Чемпионата доакъашхошта, мехка баьхкача хьаьшашта концерт делар Беканаькъан Рахьмана, Малсаганаькъан Розас, Хьоашаланаькъан Лолитас, «Дека илли» яхача кхалнаьха тоабо, «Гаргареи» яхача халхара ансамбло», - йоах тахан «Сердалога» кхаьчача хоамо.

Догӏа доагӏаш хилар а новкъа доацаш, лаьрххӏача тайпара дӏайихьар из ӏадика ювца кхетаче. Чӏоагӏа дог айденна бахар вай мехка кхаьча хьаьший; лоаман ӏаламах, вай къаман гӏалаех тамаш еш.