Культуран болхлочун Ден хетадаь концерт кийчдеш ба филармоне артисташ
24.03.2026 08:54
Культуран болхлочун Ден хетадаь концерт дӏахьоргда мехкарча берий театре укх бетта 26-ча дийнахьа. Паччахьалкхен филармоне артисташ тахан цу гӏулакха кийчо еш къахьегаш ба.
«Цу концерта лаьрхӏа кийчо еш да тхо тахан. Программанна юкъе «дошоча ганза» юкъера классически номераш санна, керда моттигаш а хургья. Филармоне еррига тоаба я тахан кийчон болх дӏахьош», - дийцар «Сердалога» Паччахьалкхен филармонена кулгал деш йолча ӏаьленаькъан ӏайнас.
Артисташ даггара къахьегаш ба. Ашархой, иллиалархой, халхарчаш шоай де дезар дикка шаьрдеш хьувз. Мехкарча библиотекашка, музейшка, театрашка, культуран Цӏеношка къахьегаш болча болхлошта баркал кхайкадеш дола ди хургда цох.
