Филармоне артисташ бахар хатарех нах кӏалхарбаха ӏомалураш болча
Шолжерча Цӏера духьала къовсам лоаттабеча колледже концерт делар Хамхой Ахьмада цӀерагӀча ГӏалгӀайчен Паччахьалкхен филармоне. Из кхетаче дӀахьош яр, «Пушкина карта» яхача федеральни программа чуйоагӀаш. Цо таро лу кагирхошта къаман Ӏадаташ, искусство йовза. Артисташа классически композицеш, иллеш даьхар гӀалгӀай, эрсий метташка. Гойташ дола хӏарадар безам тӀабодаш, дукха тӀоараш детташ тӀаэцаш дар.
«Программа вӀашагӀъеллаяр студенташта дукхагӀа езаргйолча беса: сцена тӀара хьахозаш яр халкъа ашараш, иштта таханарча ханара эстрада композицеш. Гулбеннарашта ашараш локхаш хилар Кӏанташанаькъан Жабраил, Бӏарахой Люба, ПхьогӀой Амир, Йовлой Хьава, Малсаганаькъан Роза, Гарданаькъан Шамал, Барханой Заьлмаха, Долакханаькъан Зульфия, Акхасаганаькъан Мовсар. Кхоллама сайрено дика таро елар республикан культуран тӀехьале йовза», - аьлар филармоне зарбан болх лелабераша.
Республикан дешара моттигашка «Пушкина карта» яха проект дика кхоачашъеш я, культуран салоӀам хӀара студентага дӏакхоачийташ.
