Россе шахьарашка гӏолла гастролашка бахаб вай филармоне артисташ
09.04.2026 08:58
Йоккха гастролаш дӏайолаеш ба, мехкарча Паччахьалкхен филармоне артисташ. Кавказера кхоллам дӏабовзийта лаьрхӏа, Россе шахьарашка гӏолла гобаккха арабаьннаб уж. Мехкашта юкъера бувзамаш, барт чӏоагӏбеш хиларах теша лов вай культура, ӏадаташ дӏадовзийташ дола из гӏулакх.
«Санкт-Петербургера дӏаболалургба уж. Укх бетта 11-ча дийнахьа Архитектурни - гӏишлошъяра университета зале шоаш дӏабовзийташ хургба артисташ. Кавказа оамалаш йовзийташ йола номераш хьокхаргья Петербурга бахархошта», - дийцар «Сердалога» из болх кийчбеш хиннараша.
Къаман кхолламга гӏолла дерригача дунен дӏавовзийта йиш я ше. Россе дахаша долча хӏара къаман ший культура, ӏадаташ, оамалаш, доккха истори долга белгалдеш да из.
