Наьсарерча дешархошта концерт луш хилар, Паччахьалкхен филармоне артисташ
«Дешархошта лаьрхӏа культура» яхача Ерригача Россе культуран-дешара проектага гӏолла, мукъама оагӏонцарча кхоллама дуне довзаш хилар Наьсарера № 18 йолча ишколера дешархой. Паччахьалкхен филармоне артисташ хилар уж болча. Бӏарчча концертни программа кийчъяьяр цар берашта лаьрхӏа.
«Дека илли» яха кхалнаьха вокальни тоаба яр, берий дог гӏоздоаккхаш. Вай къаман къаьнара, иштта тахан кхелла иллеш дӏаоалаш хилар артисташ.
«Дека илли» яхача тоабан юкъерча Галай Лейлай оаз езаенна бар гулбенна хиннараш. Хьехархоша, бераша тӏоараш детташ, дог айденна тӏаэцар хӏара номер», - дийцар «Сердалога» цу моттигера.
«Дешархошта лаьрхӏа культура» яхача программага гӏолла дукха хӏама довза аьттув хул вай дешархой. Лаьрххӏа цу гӏулакха йоржаяь я из программа. Начӏал долча мехкахоех чӏоагӏа доаккхал деш хул бераш.
