Лоаман юрта кораяьча дахчан ахкара истори тохкаш ба археологаш
Гӏалай юрта болх дӏахьош баьхкача археологашта кораяьча дахчан ахкара истори тохкаш ба тахан российски археологаш. Из хоам «Сердалога» бир «Тӏехьале» яхача тӏоговзанчий Ишколе.
«2025-ча шера болх дӏахьош баьхкача археологашта кораяьй из ехк. № 3 йолча малхарча каша кӏалхарча гӏата чура кораяьй из. Дахчан ехк, ший яьннача ханага хьежача, ца талхаш йисарах тамаш еш бар археологаш. Дукхагӏа цу тайпарча моттигашка корайоагӏараш тӏехках яь ахкараш я. Историкаша тахан белгалдечох, XVӏӏ-ча бӏаьшере гӏалашка баьхача наха лелаяь ахкараш иштта хиннай.
«Цу ханарча кхалнаха лелаеш хиннай уж ахкараш. Кхалсагаца малхара каша юташ хиннай цун мел йола хӏамаш, иштта нийсъеннай из цига», - дийцар тхога «Тӏехьале» яхача тӏоговзанчий Ишкола кулгал деча Султиганаькъан Рамзана.
