Лохерча Пхьуй болх дӏахьош боахкарашта, кхалнаьха мосаш хьалъехка маха корабир
16.02.2026 09:21
Лохера Пхьуй яхача гӏалай юрта шоай болх дӏахьош боахкача археологашта, кхалсага мосаш хьалъехкаш лелабаь маха корабир. Из хоам «Сердалога» бера «Тӏехьале» яхача тӏоговзанчий ишкола болхлошкара.
«Малхарча каша яьдача къонача йиӏий керта тӏехка юхе иллаб из. Археолога Крупнов А.Б. ший балхашка яздаьд цох. Иштта «Бишт» яхача гӏалай моттиге болх дӏахьош хиннача Тӏонганаькъан Мухьмада археологически тоабан а корабаьбар из санна бола маха», - йоах тхога кхаьчача хоамо.
«Уж хӏамаш вайна лоархӏаме я, хӏана аьлча царга гӏолла кхетаду вай къаьнарча ханашка баьхача вай къаман наха малагӏа тайпара хӏамаш лелаяьй», - дийцар «Тӏехьале» яхача ишкола кулгал деча Султиганаькъан Рамзана.
