Лоаман моттигашкара теркам тӏаоза хӏамаш корайир археологашта
06.04.2026 09:27
Гӏалай юрта болх беш боахкача археологашта, цхьацца хӏамаш корайир. Цхьан гӏала чура зӏамига дото хӏамилгаш гучаяьлар.
«№ 3 йолча малхарча кашара кораяьй уж. Цхьан хана куцала лелаяь хӏамаш я уж, хетаргахьа. Барзкъах дӏахотта, дӏатӏатега йиш хургйолаш ӏургаш доахк царна. Историкаша белгалдечох, кхалсага лелаяьча, цунца малхара каша ӏойиллача цхьан хӏамах: тӏормигах, кочах, тӏехкарах - яьхка хӏамаш хила мег уж», - дийцар тхога
«Тӏехьале» яхача тӏоговзанчий Ишколе. Дӏахо кхы а тохкам дӏахьоргба царца лабораторе гӏолла.
