Анталье дӏайихьача яхье, борза майдилг яьккхар Яхьяевгӏар Билала
30.03.2026 09:18
Халкъашта юкъерча тхэквондох йолча Анталье дӏайихьача Turkӏye Open World Taekwondo G-2 яхьашка, борза майдилг йоаккхаш, белгалваьлар вай мехкахо. Из хоам «Сердалога» бир моттигерча Минспорта зарбан болх лелабеча Гӏаппархой Аишас.
«Хьалхарча бӏале Туркий мехкара спортсмен эшавир Билала, дӏахо Казастанерча тхэквондистаца латар хилар цун. Кулг лозадир цига вай мехкахочун, бакъда, ший беррига низ ураоттабаь, кхоалагӏча моттиге эттар из. Латар кхы дӏахо ца дахьа лаьрхӏар тренерий штаба, лозадаьча кулга хьал кхы а чоалханегӏа хилар кхераш. Борза майдилг яхьаш, цӏавера цу яхьашкара вай мехкахо.
