Эккажкъонгий-Юртарча Кен яхача хих тилла тӀий кастта хьаделларгда
Эккажкъонгий-Юртарча Кен яхача хих тилла 42 метрага кхоача тӀий кастта хьаделла мегаш да, Даьла къахетамца. Из хоам «Сердало» газетага бир наькъий гӀулакхех йолча министерствон болхлоша.
Таханарча дийнахьа 90%-га кхоачаш йистебаьннаб цигара болх. Эггара чоалханегӀдар чакхдаьннад, Дала аьннадале, саькура бутт йистебалале из болх йистебаккха лерхӀ тӀаьштехкараша. Кхычахьа гӀолла го боахаш, дӀааха безараша чӀоагӀа сатувс цу денга.
Бахархошта, къаьстта машинашца леларашта, доккха совгӀат да ала мегаргдолаш да 42 метрага кхоачаш дӀаьха, 15 метр шера дола, асфальт билла, боккъал башха тӀий, хӀаьта цигарча гӀашлой наькъ тӀагӀолла нах болабенна лелаш ба.
Белгалдаккха деза, из проект республикера машений наькъаш тоадарах йолча паччахьалкхен программанна чуйоагӀаш йолга.
