ГӏалгӀайчен блогер бехктокхаме эзар, хӏама нахалдаккхара закон толхадарах

Тӏахьожама болх дӀахьош гучадаьлар VPN-сервиса тӏа хӏама нахалдаккхара гойтама фильм дӏаяздаь хилар, из я ӏnstagram (РФ доазон тӀа экстремистски лоархӀаш йола оагӏув). Вай мехка из йоаца дикка ха яр, бакъда хӀанз из моллагӀча сага го йиш йолаш латтар. УФАСа болхлоша бокъо йоацаш из оттаяьр хьалехар. Цу сага ший бехк тӀаийцар, ше из оттаяь хилар бакъ а деш, (VPN) чакх ца йоалийташ соцаергйоацаш ше из даь хилар белгалдир цо.

Хӏама нахалдаккхарах долча законо могадеш дац РФ доазон тӀа леладеш доаца гӏирсаш юкъедахар, цхьаккха а тайпара царга гӏолла хоамаш доаржадар. Иштта хоамаш кхайкаде бокъо луц, нагахьа санна уж вай мехка тӀаэцаш йоацача организацей доалахьарча гӏирсашка, цхьадолча даькъе магадеш доацача бувзамашка гӏолла кхайкадеш дале.

Тхога хоам баьчо яхачох, цо даьр хӏама нахалдаккхар хиларах шеко яцар. Из хоам боагӀаш бар, белггала болча наха, царна хоадам боллаш дола гӏулакх довзийташ. Из гӀулакх тохкача юкъа, цо даь гойтама йоазув дӏадаьккхар, бакъда цу сага гӏойле еш хиланзар из, административни бехктокхаме эзар бехкевар.

Антимонопольни болхлоша яхачох, из бехк шийна тӏера дӏабаккха йиш йолаш ва из Арбитражни судага гӏолла, амма цо ший бехк тӀаийца, кулг яздаь хиларах, из де чоалхане хургда хӏанз.