СВО Магасерча бӏухоша шоай халонех дийцар
«Даьхен лорабой» ганза гӏалгӏай филиала кулгалхочунца Оздой Муслимаца кхетаче йолаш, лаьрххӏача тӏема операце бӏухоша шоашта хьалхашка нийслуча вахарерча халонех дийцар, яхаш, хоам бу «Сердало» газетага цигарча зарбан болх лелабераша.
«Нах бахача моттигашка дӏа а ухаш, цига уж тӏаэцаш хиларо таро елар ганза сиха кхоачашде деза хаттараш дувца. Уж да вахаре нийслуш дола цхьацца кхоачамбоацараш, иштта лорий дарба дарца дувзаденна хаттараш. Дукхагӏа уж дувзаденна дар балха оттарца, каьхаташ кийчдарца, льготаш яхарца. Из дӏахьош, мехка Кулгалхочун Администраце, Паччахьалкхен викалаша, Магас мэре, ГӏР гӏолла йолча СВО ветераний Ассоциаце шоашта хьалхашка лоархӏаме декхараш оттадир. Ганза вахара хьашташца бувзабенна болх лелаберашта хоадам боллаш декхар тӏадиллар, хӏара хаттар къоастаде», - аьлар хоамо.
«Тхо массаза хьож гаргагӏа хила оахош новкъостал лоаттадеча наха, укх тайпара кхетаченаш - из дика таро я хӏара сага фу эш хара, цар истори довзара, цига дикагӏа кхетаду мишта лоаттаде деза дикагӏа новкъостал», - аьлар Оздой Муслима.
