Мехкарча Тохкама комитета музее, цӏермашина кеп дӏачуелар СВО бӏухоша
Россе тохкама оагӏон болхлой Ди дездара хетадаь совгӏат делар, вай мехкарча Тохкама комитета музейна. Тӏема операце доакъашхоша шоаша хьаяь цӏермашина кеп дӏачуелар цига.
«Цу гӏулакха хьалхаэттар яр «Россе эпсараш» яха Ерригача Россе юкъара моттиг. «Турпала никъ» яхача моттигерча программан Юкъарча моттига доакъашхо, «Россе эпсараш» яхача республикерча оагӏон комитета кулгал ду Галай Руслан вар из совгӏат дӏаденнар.
Доккха баркал аьлар цу дийнахьа тохкама оагӏон болхлошта: тӏема аренашка леларашта, цар дезалашта - массахана гӏо деш, Даьхе лорае арабаьннарий оагӏув хьаллацаш дола боламаш, проекташ йоаржаеш къахьегарах», - дийцар «Сердалога» мехкарча Тохкама оагӏон болхлоша.
СВО бӏухоша деза лоархӏ цу наха шоашта терко лоаттаяр, шоаш дагабоахкаш хилар. ӏаьдала болхлой, ветерански моттигаш, иштта мехкахой тӏема аренашка леларий оагӏув хьаллаца гӏерташ хилара тешал деш да из гӏулакх.
