Домбае дӏахьоча яхьашка гӏоргба вай боксёраш
25.03.2026 09:17
Боксах йолча «Росси» яхача ФСО профсоюзий Керттерча совета яхьашка дакъа лоацаш хургба вай мехкара спортсменаш. Из хоам «Сердалога» бир боксах йолча Федерацера.
Къарший-Черсий Домбае дӏахьоргья яхьаш. Укх бетта 30-ча денга кхаччалца, ше-ше котвала гӏерташ, хургба спортсменаш. Котбаьннараш профсоюзий оагӏонцарча бокса Лиган тоабан юкъе хургба. Вай мехкара цига дакъа лоацаш хургба Гарданаькъан Билал (40 кг), Могушканаькъан Муса (44 кг), Тиймарзанаькъан Мухьмад (46 кг), Чахкенаькъан Мухьмад (46 кг), Бобхой Мухьмад (50 кг)», - дийцар тха газетага. Спортсменаш кийчбергбола тренераш ба Таркой Амир, Овшнаькъан Ахьмад, Леймой Мухьмад.
