170 совгӏа спортсмен хилар Гӏалгӏайчен лоамашка альпинистий ха йоаккхаш
Дика чакхъяьлар маьтсела бетта альпинисташа яьккха ха, «Каьзи» яхача лакхача моттиге уллача лагере, Гӏалгӏайчен Жӏайрахьа кхален эггара ӏалама хозагӏча моттиге, гулбелар дукха нах. Лагере вӏашагӏкхийтар 170 совгӏа спортсмен, иштта Белоруссера хьаьший.
«Хьалхагӏа, аз тӏадилладар лагера доакъашхошта дика хьалаш хьакхоллар, хӏанз гуш да из дика болх беш хилар. Укхаза дӏайихьай Россе чемпионат, кубок. Иштта каст-каста чакхдоах дешара-ӏомабалара гулламаш. Хӏанз тхо болх беш да керда наькъаш доахаш, оаха кийчъю яхьаш дӏаяхьара йола моттигаш, халкъашта юкъера старташ, доакъашхошта лагере атта а дика а хургдола наькъаш лохаш да. Сога хаьттача, лоархӏаме да, «Каьзи» лоам тӏа боалача дукхача наха езаш, цар хам беш йола моттиг хилар. Из программа доакъашхоша мишта дӏахьу, уж малагӏча безамца цигара юхаберзаш хул бӏаргадайча, вай мехках доаккхал де йиш я», - аьлар ший телеграм-оагӏон тӏа Гӏалгӏайчен Кулгалхочо Келаматанаькъан Махьмуд-Ӏаьлас.
Спортсменаш тайп-тайпарча боараме кийчо еш хул «Каьзи» яхача альпинистий лагере: лоам тӏа балар, нийса никъ харжар, моттиг йовзар, лоравалар. Цига яьккхача хано чӏоагӏдир из болх дика вӏашагӏбелла хилар, альпинистий юкъарлон эггара нах тӏаозаш йола моттиг из хилар. Лоамаш хьежар, шоашкара доагӏача даькъе, уж нах мел чӏоагӏа ба, цар спортсменашта елар мах бола говзал, тешшаме бувзам, керда спортивни чӏоагӏо.
