Грэпплингах дола судхой сертификаташ делар, 20 совгӏа болча вай тренерашта
02.04.2026 08:51
Грэпплингах дӏайихьача семинаре, 20 совгӏа болча вай тренерашта, судхой сертификаташ делар. Из хоам «Сердалога» бир Минспорта зарбан болх лелабеча Гӏаппархой Аишас.
«Вай мехкарча спортацарча латарах йолча Федераце вице-президент вола Хазанаькъан Назир хьалхаотташ дӏайихьар из семинар. Вай мехкарча спорта оагӏон судхой цу даькъера говзал лакхъеш хилар из гӏулакх. Доакъашхошта хьалхашка лектор хинна къамаьл даьр вар грэпплингах йолча Ерригача Россе федераце керттера судхо Тихоглазов Алексей.
25 тренера сертификаташ луш, Шолжа-Гӏалий тӏа дӏаяхьа лерхӏача грэпплингах йолча СКФО яхьашта уж юкъехьош, чакхбьлар из болх».
