Бер дарах луш долча ахчах дисар хьаийцар мехкарча 500 совгӏа дезало
Мехкарча 500 совгӏа дезало, бер дарах луш долча ахчах дисар хьаийцар. Цу гӏулакха тӏа болх дӏахьош хилар РФ моттигерча пенсионни ганзе.
«Бер дарах луш долча сертификата тӏа 10 эзар сомал кӏезигагӏа ахча дисараш юкъеболхаш гӏулакх дар из. МФЦ е СФР моллагӏча моттиге Госуслуги яхача порталага гӏолла дехар чудала дезар из ахча хьаэца. Банковски карта реквизиташ оттае езар цу тӏа, хӏаьта ахчан боарам сертификата тӏа дисачунга хьежжа бар», - йоах тхогарча хоамо.
Хьаийца ахча берашка дешийташ, заӏапхой долча берашта дарба деш, иштта кхыдолча гӏулакхашта дӏадахийта йиш я.
«Госуслуги яхача портала «Справки и выписки» яхача оагӏонга гӏолла доалахьарча кабинете ха йиш я сертификата тӏа мел ахча дисад. Хьаийца ахча шоашта бакъахьа хеттача тайпара дӏадохийтаргда дас, нанас»,- аьлар мехкарча СФР оагӏон кулгал деча Йовлой Зубейра.
