Хӏетта малхадаьннача 700 совгӏа бера СНИЛС дӏаелар мехка
2026-гӏа шу доладелча денз, 700 совгӏа долча хӏетта малхадаьннача бера СНИЛСаш дӏаелар мехка. Из хоам «Сердалога» бир ОСФР.
Бекарга бетта 1-ча дийнахьа 30 шу даргда 1996-ча шерара 01.04 № 27-ФЗ Федеральни бокъо хьакхелла – «Пенсионни оагӏонца хӏара саг дӏачӏоагӏвалар». Электронни оагӏонца тахан паччахьалкхен, иштта муципальни цхьацца гӏулакхаш чакхдоахаш эшаш йола бокъо хилар цох. РФ бахархой СНИЛСа номер хӏаранена тӏехьа дӏачӏоагӏъяь я.
Хӏетта малхаваьлча хьалуш йола СНИЛС, массахана цун тӏехьа юсаш я. Кердача СНИЛСах бола хоам Госуслуги яхача портала бера наьна доалахьарча кабинете хьаотт ЗАГСера хоам республикерча СФР моттиге дӏакхоаччашехь. Нагахьа бер, ше даь доацаш, хьийца дале; СНИЛСа гӏулакх ше чакхдаккха йиш я. Цу гӏулакха МФЦ е мехкарча СФР моттиге дӏатӏаваха веза. Паспорт, бер малхадаларах дола каьхат хила деза дӏатӏаводаш.
«ЗАГСера хьачубенача хоамага хьежжа хила деза доалахьарча кабинете латтар. Тайпан цӏи хувцаш хилча «профиль» хувца еза, наьна доалахьарча кабинете СНИЛСах дар хьаоттаргдолаш», - белгалдир мехкарча СФР оагӏон кулгал деча Йовлой Зубейра.
