ГӀалгӀайчен кхо эзар совгӀа дешархочо ЕГЭ дӀалургья
Карарча шера, кхо эзар совгӀа дешархочо цаӀ йола паччахьалкхен экзамен дӀалургья, яхаш, дийцар ГӀалгӀай Республикан Кулгалхочун, Паччахьалкхен зарбан-болх лелабераша. Экзаменаш дика дӀаялара кийчъяьй 11 ЕГЭ дӀахьоргйола моттиг, уж хӀанз дешархой тӀаэца кийча я.
Къаьстта белгалйоалаш я карарча шера Наьсарера №19 йолча юкъерча ишкола даькъ тӀара ши моттиг, уж моттигаш а кийча я болх дӀаболабе. Цул совгӀа, хьалхара хургба цу тайпарча моттигашка дакъа лоацаш юкъарлон тӀахьожам лоаттабераш, уж ба берий даьй-ноаной. Цо ЕГЭ дӀалуш бола болх къаьгга лоаттабергба.
Иштта хьакхеллай Хьалий центр, цо онлайн-мониторинг ергья, берригача балха экзаменаш дӀалуча хана.
Дешара Министерствон даькъ тӀа техкар Ӏилмах йолча комиссе декхараш, федеральни эксперташа дакъа а лоацаш, Наьсарен №3 йолча ишколе.
Оаха вӀашагӀдехкад 2025 шера ЕГЭ дӀаялара дола дика хьалаш. ГӀалгӀайчен дешара Министерствос дукха болх дӀабихьаб ППЭ (экзамена моттигаш) кийчъеш, оаха тхоай оагӀорахьара бӀарчча тӀахьожам лоаттабу массадолча даькъ тӀа цаӀ йола мехка паччахьалкхен экзамен дӀаяхьара»,-аьлар ГӀалгӀайчен кулгалхочо Келаматанаькъан Махьмуд-Ӏаьлас.
