Илдарха-Гӏалан латархоша шоай лакха говзал гойтар Магӏалбике хиннача яхье.
09.04.2026 16:13
Илдарха-Гӏалан латархоша шоаш дика гойтар Магӏалбике дӏахьош хиннача ондаргашта юкъерча яхье, яхаш, дийцар «Сердало» газетага Илдарха-Гӏалан мэре.
«2014-2015 шерашка баьча доакъашхошта юкъе котбаьлар Илдарха-Гӏалан спортсменаш. Акаев Эльберда (26 кг), Колой Хьамзата (32 кг) котало яьккхар. Саганаькъан Сайфулас (30кг), Пхьиденаькъан Ювсапа (32 кг) дото совгӏаташ даьхар. Гӏанажанаькъан ӏумара (26 кг), Пхьиденаькъан Махьте (28 кг), Йовлой Билала (32 кг), Гӏайтакханаькъан Хьакима (52 кг) кхоалагӏа моттиг яьккхар», - аьлар хоамо.
«Даькъалабувц къона атлеташ, цар тренераш дикача толамашца, дӏахо иштта аьттув хилба шун лакха совгӏаташ даха», - аьлар администраце.
