Европа яхьашка дошо майдилг яьккхай вай спортсмена Хоаной ИсмаӀала
13.07.2026 14:33
Хоаной ИсмаӀал «дошув» доаккхаш белгалваьлар Европа йоккхача яхьашка. ГӀибухерча Македоне, Скопье яхача шахьаре дӀайихьар яхьаш. 86 кг дозал долча спортсменашта юкъе белгалваьлар вай мехкахо яхьа тӀеххьарча дийнахьа.
«Юххера, диъ латарах чот 43:0 хулаш, чакхдаьлар гӀулакх. Коталонга бодача наькъ тӀа Литвера (11:0), Румынера (10:0), Украинера (11:0) спортсменаш эшабе аьттув баьлар цун, хӀаьта тӀеххьарча латаре эрмалой спортсменал котваьлар из 11:0 йолаш», - дийцар «Сердалога» спорта гӀулакхех йолча Министерствос.
Хоаной ИсмаӀала кхоалагӀа йола дошо майдилг я из. Европа йоккхача яхьашка шозза котваьннав из хьалхагӀа, иштта дӀадахача шера хиннача кагирхой дунен чемпионате белгалваьлар из, «дошув» доаккхаш.
