Йоккхача дарбанчен кулгал деш хинначун дош суде дувцаргда
12.02.2026 10:31
Вай мехкарча бераш деча керттерча моттига кулгал деш хинна лор, ший балха тӏа боккха тийшаболх лелабарах, судо бехктокхаме озаргья. «Сердалога» из хоам бир ӏаьдала болхлоша. Цунна духьала гӏулакх хьадийллар прокуратуро.
«Белгалдечох, 2022-ча шера цу лора бӏарчча тоаба вӏашагӏъеллай, ӏаьдала ахча лечкъаде нигат долаш. 2022-ча шера аьтинга беттагара 2024-ча шера тов беттага кхаччалца йолча хана, цу моттиге хьачуийца йоаца тайп-тайпара хӏамаш хьакхаьчай, яхаш, цхьаккха бух боаца каьхаташ вӏашагӏдехкаш, боккха тийшаболх лелабаьб цо.
Ма дарра аьлча, вӏалла йоаца хӏамаш ийцай, яхаш, ахча лечкъадаьд, хӏаьта из тахан кӏезига рузкъа дац - 23 млн сом», - йоах тхога бенача хоамо. Магасерча кхален судо тохкаш латт из гӏулакх.
