«Динамика» яхача центро новкъостал дергда, дегӏа маьженаш оттаеш
Гӏалгӏайчен унахцӏенон Министерствос бартчӏоагӏо яьй «Динамика» яхача дегӏа маьженаш еча, меттаоттабеча центраца, яхаш, дийцар «Сердало» газетага мехка министрий Кабинете.
«Каьхат чӏоагӏдаь да пхе шера, иштта дегӏа маьженаш оттае езача бахархошта новкъостал дара», - аьлар хоамо.
Из чӏоагӏо - массайолча оагӏорахьара декхар кхоачашдара лаьрхӏа я, бӏухой меттаоттабара доккха дакъа дӏалоацаш. Карарча хана цхьа бӏаь гаргга саг ва протез оттае езаш.
Хьалха, центра говзанчаш республике хьаухар. Цу тайпара 30 сагах латта унахой тоаба белгалйир, царна кийчъ - ергья лаьрххӏа йола дегӏа маьженаш.
Иштта лаьрххӏа болх дӏахьош ба дика меттаоттавара, саг ший йоацача дегӏа маьженашка варгволаш. Цу дерригача лорий новкъосталах ахча дала а дезац, из мах боацаш деш да.
