Наьсарен кхалерча къонача биъ дезала паччахьалкхен новкъостал дергда
29.09.2026 13:39
Гӏалгӏайчен Наьсарен кхален администраце бахача фусамий хьакъехьа йолча комиссе кхетаче хилар, цига дийцар ӏаьлий-Юрта, Пхьилекъонгий-Юрта, Буро кӏалха бахача наьха дехарех лаьца. Уж берригаш а «Къона дезал» яхача паччахьалкхен программан доакъашхой ба, шоай вахара хьалаш тоаде дезарех а ба.
Наьсарен кхален администраце зарбан болх лелабераша ма аллара, из гӏулакх дика техкачул тӏехьагӏа, кхела доакъашхоша цхьа барт баь тӏаийцар цар хаттар кхоачашдара дош.
Паччахьалкхено луча ахчо таро лургья къонача дезалашта ер шу чакхдалале шоашта керда фусамаш эца е шоай яраш тоае.
«Къона дезал» яха программа дӏахо дӏахьош я, эшача дезалашта новкъостал деш, иштта къонача дезалий вахара хьалаш хьакхоллара дика кӏийле еш.
