Бахархошкара тӏалатта дехараш дукхагӏа хилар белгалду ЦУРе
Бахархошкара эггара дукхагӏа тӏалатташ дола дехараш, лоткъамаш ЖКХ оагӏонца дувзаденна да. Из белгалду ЦУРа болхлоша. Тӏехьарча кӏира 138 дехараш да цига хьачуденараш. Бахархоша хӏара денна из болх чӏоагӏагӏа хьаллоацилга гуш да тахан. Хьалха дахача кӏирага хьежача 8%-га кхоачаш айденнад тӏалатта дехараш. «Сердалога» из хоам ЦУРа болхлошкара кхаьчар.
Кхы мел дарашта юкъе эггара лакхагӏа латт ЖКХ дувзаденнараш – 80 , юкъарча боарам тӏара 58%. Шоллагӏча моттиге наькъашца дувзаденнараш отт- 20 (14,5%), хӏаьта молагӏа моттиг тока оагӏонцарча дехараша дӏалаьцар - 11 ( 8%).
Шахьарий йоккхача моттигашкара тӏалатташ да дукхагӏа дола хаттараш. Эггара дукхагӏа дараш Наьсарера да – 43 хоам ( 31,2%), иштта Шолжа шахьар – 30 ( 21,7%), Магӏалбикера ЦУРе 22 хоам кхаьчаб ( 15,9%).
